Shabab BiK | شباب بيك | افلام كرتون | افلام تورنت | العاب | برامج | اسلاميات


    الدوره الرمضانيه وفريق All stars و pop

    شاطر
    avatar
    prince
    الــريــــس الــكــبــيــر
    الــريــــس الــكــبــيــر

    ذكر
    رقــــم العضويـــــــــة : 1
    مجموع المشاركــات : 1809
    المزاج : يعني حاجه تمام كده
    تاريـخ التسجيـل : 04/08/2007

    ??????? الدوره الرمضانيه وفريق All stars و pop

    مُساهمة من طرف prince في الجمعة أغسطس 21, 2009 10:09 pm


    طبعا كل سنه فريق كل النجوم بيروح دوره رمضانيه ولكن صادفه المره دي ان في لعيب مش موجود للاسف

    فمشي بقى مصطفى واسامه يدوروا على حد يلعب معاهم في الدوره

    فبقت الساعه 11 بليل ومش لاقيين
    ==========================================

    مصطفى : ياعم احنا هنفضل ماشيين كده انا تعبت

    اسامه :: وانا برده والله كل العالم مش عايزه تيجي الي يقولك انا ببقى صايم والي يقولك في العيد مش عارف قال يعني احنا الي بنبقى فاطرين

    مصطفى :: ايوم ياعم لو فضلنا نمشي كده هنفطر اكيد .. وبعدين محنا بنفطر في المغرب

    اسامه :: ايه رأيك في عم عبده البواب ؟؟

    مصطفى :: انت بتهزر ياعم ده هييجي يرفع الجلابيه ويشرب شاي عند الجون

    اسامه :: طيب انا هقولك على واحد بس حاول تتمالك اعصابك

    مصطفى :: لألألأ متقولش

    اسامه :: ايون هوه ده

    اسامه ومصطفى في نفس واحد

    PoooooP

    -----------------------------

    نروح بقى لبوب ونشوفه بيعمل ايه

    بوب قاعد عمال نايم و وبيصفر



    دخل عليه اسامه ومصطفى بيصحوه

    مصطفى بشويش يخبط عليه ويقوله اصحى يا اشرف

    اسامه :: ياعم انت فاكره انسان عادي كده بيصحى زينا

    مصطفى :: زينا ازاي يعني ؟؟

    اسامه :: جرب معاه كل حاجه مش هتنفع مبيحصاش غير بحاجه كده .. طريقه خاصه

    مصطفى :: يعني لو مسكنا الموبيل وخلنا يصفر في ودنه مش هيحصى

    اسامه :: جرب !!

    مصطفى مسك الموبيل وشغل اغنيه وحطها جنب ودنه مفيش امل

    اسامه راج جي قايله مش قولتلك

    مصطفى مسك كوره وراح حدفها في الحيطه الي جنب السرير برده مفيش امل

    راح جي ماسك شويه سوداني وحدفه فيه وفي دماغه

    لقاه بينفض وشه وبيمسك السودانيه وبياكلها ويكمل نوم

    مصطفى :: ده قرد ياعم ده بيصحى ياكل السوداني وينام

    اسامه :: مش قولتلك مش زينا

    مصطفى :: امال بيصحى ازاي الموميا دي

    اسامه :: بالمايه على رجله مش على وشه

    مصطفى :: يا سبحان الله ..

    اسامه جاب مايه وراح جي صاببها على رجل اشرف

    لقينا حاجه بتصحى كده وبتقولنا يعني ينفع كده تصحوني بالميه مفي اختراع اسمه تصحوني براحه بالطبطبه وكده يعني

    مصطفى واسامه : بالطبطبه



    اشرف :: عايزين ايه ؟

    اسامه : للاسف انت هتيجي معانا بكره في الدوره

    اشرف : بجد ولا بتهزروا

    مصطفى :: ياعم حد بيهزر معاك وفي الكوره بالذات

    اشرف : عندك حق .. اخيرا اقتنعتوا بقدراتي

    اسامه: قدرات اه
    في سره (بيلعب الكوره بايديه ويقولك مش اسمها هاند بول )
    المهم يا عم اشرف انته معانا

    مصطفى :: اه بس خد بالك هبل وتقولي اللعبه ازاي وحاجات المعوقين العرب دي عند ام علي

    اشرف :: ياعم انت بتكلم جزمجي

    مصطفى :: في سره ( الجزمجي احسن منك ) ياعم لا طبعا بنكلم بوب ربنا يحميك

    وخلاص كده الفرقه بقت كامله والتشكيله كملت

    ALL Stars

    [size=18]Dead MaN _ Bat MaN _ PRinCE _ THE Fastest BoY _ POP


    ==================================================

    ونكمل بقى بعد كده مش اسامه استنوا الحلقه الجديه منه




    عدل سابقا من قبل prince في السبت أغسطس 22, 2009 2:40 am عدل 1 مرات






    avatar
    Bosy
    VIP
    VIP

    انثى
    رقــــم العضويـــــــــة : 136
    مجموع المشاركــات : 608
    المزاج : bad mood
    تاريـخ التسجيـل : 20/02/2009

    ??????? رد: الدوره الرمضانيه وفريق All stars و pop

    مُساهمة من طرف Bosy في السبت أغسطس 22, 2009 12:52 am

    جامد يا برنس و مستنيين الباقى

    cheers
    avatar
    Riry
    VIP
    VIP

    انثى
    رقــــم العضويـــــــــة : 19
    مجموع المشاركــات : 731
    المزاج : aho mashy el 7al
    تاريـخ التسجيـل : 22/03/2008

    ??????? رد: الدوره الرمضانيه وفريق All stars و pop

    مُساهمة من طرف Riry في السبت أغسطس 22, 2009 3:02 am

    gaaaaaaaaaamd ya prince

    w mstnyen el gded
    avatar
    dead man
    مــســاعــد الــريــس الــكــبــيــر
    مــســاعــد الــريــس الــكــبــيــر

    ذكر
    رقــــم العضويـــــــــة : 71
    مجموع المشاركــات : 370
    تاريـخ التسجيـل : 13/08/2008

    ??????? رد: الدوره الرمضانيه وفريق All stars و pop

    مُساهمة من طرف dead man في السبت أغسطس 22, 2009 3:45 am

    الله عليك ايوه كده يا شباب خدولنا حقنا ربنا يحميكوا لمصر



    avatar
    Bat man
    Shabab BiK Uploadr !!!
    Shabab BiK Uploadr !!!

    ذكر
    رقــــم العضويـــــــــة : 95
    مجموع المشاركــات : 427
    تاريـخ التسجيـل : 18/12/2008

    ??????? رد: الدوره الرمضانيه وفريق All stars و pop

    مُساهمة من طرف Bat man في الأحد أغسطس 23, 2009 9:33 pm

    جامد جدا الحكايه دي مرسيه يا برنس يا رافع راسنا مستنيين الباقي ولو اسامه مش فاضي كملها انتي بس متتأخروش علينا يا رجاله





    زائر
    زائر

    ??????? رد: الدوره الرمضانيه وفريق All stars و pop

    مُساهمة من طرف زائر في الإثنين أغسطس 24, 2009 12:12 pm

    gamed ya prience
    w mstneen al agmad
    avatar
    pop
    مــســاعــد الــريــس الــكــبــيــر
    مــســاعــد الــريــس الــكــبــيــر

    ذكر
    رقــــم العضويـــــــــة : 59
    مجموع المشاركــات : 657
    المزاج : روش
    تاريـخ التسجيـل : 26/06/2008

    ??????? رد: الدوره الرمضانيه وفريق All stars و pop

    مُساهمة من طرف pop في الثلاثاء أغسطس 25, 2009 1:54 pm

    لأ لأ لأ كلكوا عليا ولا أيه

    مصطفى وأسامة كفاية أوى مينفعش تبقى أنته يا باتمان وديد مان عليا كمان أنا كده هعمل ثورة عليكوا




    [b]sharshar_1212@Yahoo.com
    sharshar_1212@Hotmail.com
    [/b]
    avatar
    the fastest-boy
    Shabab BiK Uploadr !!!
    Shabab BiK Uploadr !!!

    ذكر
    رقــــم العضويـــــــــة : 3
    مجموع المشاركــات : 142
    تاريـخ التسجيـل : 21/12/2007

    ??????? رد: الدوره الرمضانيه وفريق All stars و pop

    مُساهمة من طرف the fastest-boy في الأربعاء أغسطس 26, 2009 4:37 pm






    آسف علي التأخير لاني في ثانوية و دروسي كتير شوية








    وطبعا زي ماقريتوا ان انا و مصطفي اضطرينا قهرا ان احنا ناخد اشرف
    معانا في الفريق و ياريتنا ما اخدناه





    اليوم الاول ( يوم اول مباراة )


    الساعة الرابعة عصراًً


    أسامه : يلا يا اشرف جي معانا الماتش ولا هترجع في كلامك


    اشرف : لا يا معلم انا جي معاكو امال انا دخلت الفريق
    ليه مش علشان انا نجم الفرقة


    مصطفي: طبعا طبعا دا أنت دخلت
    معانا الفريق زي ما امريكا ما دخلت العراق


    و بعدين واحنا ماشيين في الشارع اشرف قالي انه كان نفسه من زمان يبين
    لينا مهاراته فقلتله الفرصة جتلك ( وياريت ما تجيلك تاني )


    ( المباراة )


    و اول ما نزلنا الماتش قام البرنس قالي و قال لديد مان و بات مان وقالنا
    لازم نحاول نقلل من اخطاء اشرف ونحاول ما
    نخليهوش ياخد جايزة معتوه الملعب زي ما بياخدها كل سنة


    فقلنالوا ماشي


    اول ما جه الوقت وابتدينا الماتش
    و..................................... بلاش انا هسمعكم كلام المعلق احسن


    المعلق : اهلا بكم سيداتي وسادتي نرحب بكم في المباراة الافتتاحية بين
    فريق النجوم
    وفريق الامل


    وتشكيلة الفريقين ايه ده و الله انا شايف بوب في تشكيلة فريق النجوم
    ايه يا جماعة ده مش ممكن بقي اللاعب ده لقي فرقة وانا قاعد بعلق مش ممكن اكيد الفريق
    ده مكانش لاقي غيرة خاصة ان فيه نجوم زي البرنس وديد مان وبات مان و اسامه لا مش
    ممكن و اللاعب ده ليه تاريخ معانا في الدورة هنا وانجازاته هي:


    1-
    اكثر لاعب حاصل علي جائزة
    معتوه الملعب حيث حصل عيها 6 مرات علي التوالي


    2-
    اكثر لاعب دخل اهداف في
    مرماه حيث احرز اكثر من 18 هدف في نفسه وياريت عن طريق الخطأ بس هو بيكون قاصد (
    يعني سبق عبد الظاهر السقا )


    3-
    لم يدخل هدفا واحدا طول
    ال 7 اعوام حتي الآن التي اشترك فيها بالدورة في مرمي الخصم


    4-
    اكثر لاعب حاصل علي
    انذارات طرد


    طيب ونبدأالماتش ويصفر الحكم والكورة مع اسامة يديها
    للبرنس والبرنس يديها لباتمان وباتمان عن طريق الخطأ يديها لاشرف ( pop )
    مش ممكن والكورة مع بوب وماشي بوب مش ممكن ايه الحلاوة دي إيه ده دا عرف يستلم
    الكورة صح مش ممكن لا اللاعب ده خلاص بقي نجم يا جماعة ويشوط بس يشوط في الاوت
    كويس ماشاطش في جونه


    و الهجمة مع فريق الامل والكورة حلوة و محمد يباصي
    لابراهيم ابراهيم ماشي وداخل عليه مين الله ده اشرف إيه ده ياراجل حرام عليك يا
    اشرف دانت مش بتقطع الكورة دا انت بتقطع رجل الراجل
    ..............................................................................................


    و طبعا مش محتاج اكمل كلام المعلق لان اظن انكوا
    اتخيلتوه و اتخياتوا معايا مهارات اشرف


    و انتهتالمباراة بفوز فريقنا علي الامل 2 – 1 و اللي جاب
    الاجوان ديد مان وباتمان


    و اللي جاب الجون بتاع الامل اشرف من تسديدة رائعة لا
    تصد ولا ترد في مرماه

    انتظروا الجزء القادم من البرنس



    لن اجعل مشاعرى ارضا يداس عليها بل سماء يتمنى الاخرون الوصول اليها




    اعتذر بسبب الدخول المتقطع لانني في ثانوية عامة ادعولي
    avatar
    pop
    مــســاعــد الــريــس الــكــبــيــر
    مــســاعــد الــريــس الــكــبــيــر

    ذكر
    رقــــم العضويـــــــــة : 59
    مجموع المشاركــات : 657
    المزاج : روش
    تاريـخ التسجيـل : 26/06/2008

    ??????? رد: الدوره الرمضانيه وفريق All stars و pop

    مُساهمة من طرف pop في الخميس أغسطس 27, 2009 11:02 am

    WELCOME بس أنا بردوا عندى روح رياضية وهقبل اللى أنتو عملتوه

    والجزء التانى حلو ماشى ....... عقبال ما تخلصوا الدورة




    [b]sharshar_1212@Yahoo.com
    sharshar_1212@Hotmail.com
    [/b]
    avatar
    Bat man
    Shabab BiK Uploadr !!!
    Shabab BiK Uploadr !!!

    ذكر
    رقــــم العضويـــــــــة : 95
    مجموع المشاركــات : 427
    تاريـخ التسجيـل : 18/12/2008

    ??????? رد: الدوره الرمضانيه وفريق All stars و pop

    مُساهمة من طرف Bat man في الجمعة أغسطس 28, 2009 4:02 am

    الله عليك يا فريقنا يا جامد وانا جبت جون هدافين بقى

    والبوب 19 جون رقم قياسي يا ابني




    avatar
    prince
    الــريــــس الــكــبــيــر
    الــريــــس الــكــبــيــر

    ذكر
    رقــــم العضويـــــــــة : 1
    مجموع المشاركــات : 1809
    المزاج : يعني حاجه تمام كده
    تاريـخ التسجيـل : 04/08/2007

    ??????? رد: الدوره الرمضانيه وفريق All stars و pop

    مُساهمة من طرف prince في الجمعة سبتمبر 04, 2009 4:21 am

    بعد الماتش يا جماعه حمدنا ربنا ان بوب مدخلش في نفسه اجوان اكتر واتفقنا اننا لازم نشد حيلنا في المتش الي جاي لأن الفرقه الي قدامنا

    هي المرشح الاول للفوز بالدوره

    ==========================================
    يوم الماتش
    --------------------------

    اسامه : اشرف صحيني قبل الماتش علشان نلحق نلبس ونروح لحسن انا تعبان اوي


    بوب
    : هوه انا منبه وعلى العموم هبقى اصحيك مع انك مش مهم اوي للفرقه بس يلا

    اسامه : طيب انا مش فاضيلك

    المهم دخل اسامه ينام ومعتمد على اشرف انه يصحيه

    روحنا المتش ومستنيين اسامه واشرف مجوش


    Bat man : ايه يا جماعه كده هيتحسب المتش انسحاب

    Dead man : اه هنعمل ايه يا درش

    مصطفى : هنعمل ايه هما مجوش ليه !!!

    فجأه اسامه صحي على صوت اشرف قام لقاه بيلعب على الكمبيوتر وقايم بيرقص وبيقول

    الله عليك يا بوب ايوه كده عايز اسمع بوب جاب جووووووووووون

    اسامه : ايه يا ابني الدوشه الي انت عاملها دي وبعدين انت عامل نفسك لعيب خارق اصلا بتفرح على ايه ده لو حمار بيلعب بيك كان زمانه جاب اجووان مش جوووون .... هيا الساعه كام

    اشرف : معندك اهي الساعه 4 وربع

    اسامه : ومصحتنيش ليه يا غبي كده المتش ممكن يضيع انت فاهم ولا زي منت

    بوب : انت قلتلي صحيني قبل المتش والماتش بتاع ريال مدريد لسه مبدأش

    اسامه : ريال مدريد مين يلا انت هتصيع ورانا ماتش في الدوره

    بوب : اه صحيح تفتكر ايه الي حصل !!!؟؟

    بسرعه لبسوا وراحوا وهما في الطريق قابلوا بات وديد ومصطفى راجعين

    مصطفى : اهلا انتوا شرفتوا

    بوب : الله يخليك

    اسامه : اسكت يلا ...ها ايه الي حصل

    بات مان : انسحاب طبعا

    مصطفى : بهدوء كده ايه الي حصل ؟

    اسامه : شخصيه غبيه قلتلها تصحيني على الماتش ويقولي ريال مدريد

    بوب : انت قصدك على مين ؟؟

    ديد مان : قصده عليا

    مصطفى : ااااااااه يا رب ارحمنا ... حد برده يعتمد على سله الغباء دي ..... يا عم احنا جبناه اصلا علشان محمد اتكسر الله يجازي الي كان السبب

    بات مان وديد مان واسامه راحوا بصوا على بوب طبعا

    اسامه : اه الله يجازيه

    بوب : ايه يا جداعان ده مش انا على فكره ... كل الحكايه ان محمد خدني يفرجني على عماره باباه الجديده طلعنا الدور الاول ومكنش في سور للبلكونه فلقيت دبانه على ظهره ضربتها بس

    ديد مان : والدبانه ماتت

    بوب: للاسف لأ طارت الجزمه

    بات مان : اه ورجل الولا طارت هيا كمان

    اسامه : معلش يا جماعه لازم بقى نكسب المتش الي جاي ونصعد التاني

    بوب : اه ياريت

    مصطفى : ولا مسممعش صوتك خالص انت فاهم !!


    بوب : يا عم انت متضايق مني ليه هوه انا عملت حاجه








    avatar
    Riry
    VIP
    VIP

    انثى
    رقــــم العضويـــــــــة : 19
    مجموع المشاركــات : 731
    المزاج : aho mashy el 7al
    تاريـخ التسجيـل : 22/03/2008

    ??????? رد: الدوره الرمضانيه وفريق All stars و pop

    مُساهمة من طرف Riry في الجمعة سبتمبر 04, 2009 5:31 am

    hhhhhhhhhhhhh

    gamd awy ya basha

    w rbna y5lelko pop Very Happy

    w mstnyen el ba2y
    avatar
    Bosy
    VIP
    VIP

    انثى
    رقــــم العضويـــــــــة : 136
    مجموع المشاركــات : 608
    المزاج : bad mood
    تاريـخ التسجيـل : 20/02/2009

    ??????? رد: الدوره الرمضانيه وفريق All stars و pop

    مُساهمة من طرف Bosy في الجمعة سبتمبر 04, 2009 12:12 pm

    هههههههههه جامد اوى يا برنس

    و مستنيين الجديد

    cheers
    avatar
    pop
    مــســاعــد الــريــس الــكــبــيــر
    مــســاعــد الــريــس الــكــبــيــر

    ذكر
    رقــــم العضويـــــــــة : 59
    مجموع المشاركــات : 657
    المزاج : روش
    تاريـخ التسجيـل : 26/06/2008

    ??????? رد: الدوره الرمضانيه وفريق All stars و pop

    مُساهمة من طرف pop في الجمعة سبتمبر 04, 2009 3:34 pm

    هههههههههههههههههههه ماشى ماشى مفيش مشاكل

    ونايس توبيك




    [b]sharshar_1212@Yahoo.com
    sharshar_1212@Hotmail.com
    [/b]
    avatar
    dead man
    مــســاعــد الــريــس الــكــبــيــر
    مــســاعــد الــريــس الــكــبــيــر

    ذكر
    رقــــم العضويـــــــــة : 71
    مجموع المشاركــات : 370
    تاريـخ التسجيـل : 13/08/2008

    ??????? رد: الدوره الرمضانيه وفريق All stars و pop

    مُساهمة من طرف dead man في الأحد سبتمبر 06, 2009 1:33 am

    يا بوب يا وحش خسرتنا الماتش

    ثانكس يا رجاله الانتقام لازم



    avatar
    Bat man
    Shabab BiK Uploadr !!!
    Shabab BiK Uploadr !!!

    ذكر
    رقــــم العضويـــــــــة : 95
    مجموع المشاركــات : 427
    تاريـخ التسجيـل : 18/12/2008

    ??????? رد: الدوره الرمضانيه وفريق All stars و pop

    مُساهمة من طرف Bat man في الإثنين سبتمبر 07, 2009 2:22 am

    حلقه جامده جدا يا برنس الليالي




    avatar
    prince
    الــريــــس الــكــبــيــر
    الــريــــس الــكــبــيــر

    ذكر
    رقــــم العضويـــــــــة : 1
    مجموع المشاركــات : 1809
    المزاج : يعني حاجه تمام كده
    تاريـخ التسجيـل : 04/08/2007

    ??????? رد: الدوره الرمضانيه وفريق All stars و pop

    مُساهمة من طرف prince في الإثنين سبتمبر 14, 2009 1:56 am

    الحلقه الجديده

    ====================================

    بعد الخساره الي خسرناها بالانسحاب بعد مبوب النجم ساب اسامه نايم كنا لازم نكسب الماتش الي جاي

    =============

    اتفقنا اننا هنتجمع قبل الماتش علشان محدش ينام ولا ينسى

    وفعلا قبل الماتش الكل جه معدا بوب

    --------------

    مصطفى : ايه يا اسامه اخوك فين ؟؟

    اسامه : قالي انه هيجيب حاجه وجي

    مصطفى : بيجيب حاجه !! ايه يعني

    اسامه : مش عارف

    ديد مان : اهو جه

    بات مان : ايه يابني كنت فين

    بوب : كنت بجيب الكوتشي الاثري من عند جدي الكوتشي ده اول كوتشي العب بيه اول متش في حياتي

    مصطفى : انت جايب كوتشي ابنك ده صغير

    بوب : اه مهو هحطه عند جونهم يمكن اعرف اجيب اجوان وارجع لسابق عصري زي زمان

    اسامه : انت كنت زمان بتعمل ايه يعني

    بوب : كنت لعيب يا بني مكنش حد بيعرف يقطع الكوره مني الله يجازي الي كان السبب بقى

    ديد مان : مين !!

    بوب : واحد صاحبي عودني على المشي الوحش واني العب بلاي ستيشن

    بات مان : في استغراب ايه يا عم الفيلم العربي ده ماله البلاي ستيشن بقى ان شاء الله

    بوب : الكوره بتاعته مش واقعيه فخلاني اتقمص الشخصيه واعمل زيهم فضعت

    اسامه : يا عم انت هتشتغلنا انت مكنتش اصلا بتعرف تلعب كوره يا عم انت ناسي لما روحنا مره نتفرج عليك انا ومصطفى في الدوره الي كنت فيها الاخيره لما كنت عامل نفسك لعيب واتغلبت وشوفناك ده انت كنت بتلعب كوره مياه مش قدم

    بوب : ماشي يا عم اتريق اتريق

    مصطفى : يعني ايه الموضوع عايز ايه يعني بالجزمه دي هتديها لطفل من اطفال الدوره علشان يبقى خليفتك في الملاعب

    ديد مان : هههههههه اه الخليفه اشرف والله ياد يا اشرف كل متفرج على فيلم علي الكسار بتاع علي بابا والاربعين حرامي افتكرك

    بات مان : اشمعنى

    ديد مان : اصله عايشلي في دور الفاهم والحكيم وهوه ملوش فيها

    مصطفى : يلا يا جدعان بلاش تقسوا عليه اوي كده ربنا يحميك يا اشرف وتكون اخر واحد من السلاله

    ========================================

    المهم راحوا الملعب ونسيبكم مع المعلق

    سيداتي انساتي سادتي ننقل لكم احداث ماتش القمه والاثاره والمتعه مع اقوى المجموعات مجموعه الدمار الكسبان النهارده هوه الي هيتصعد ان شاء الله مع فرقه الملوك الي كسبت ماتش من all stars عن طريق الانسحاب

    والله شايف كابتن بوب بيسخن مع فرقته ومش عارف ليه كده هوه مش محتاج تسخين هوه بينزل سخن ويدخل اجون علطول بس للاسف في نفسه نتمناله كل التوفيق لاعب عنده القاب كتيره جدا ومعشش معانا علطول والله يا جماعه للي عايز يضحك تم فتح باب الحجز والماتش الجمهور كله مقفل المدرجات لان الناس بتقولك بدل منروح سينما نيجي هنا نتفرج على بوب

    حكم المباره اشرف شيحا رايحه بوب بيسلم عليه وبيرمي الحكم البريزه وبان ان فريق النجوم على اليمين وفريق الاصحاب على الشمال

    تبدأ المباره بسخونه كبيره من فريق النجوم

    بوب ماشي ماشي ماشي وبعدين يابني تعبتني معاك اجري شويه بقى هتفضل ماشي كده لحد امتى مصطفى بيرفع اديه لبوب وبشاورله

    بوب ساب الكوره وراحله منظر يا جماعه كوميدي تتقطع الكوره تنزل مع ديد مان يعدي الاول والتاني لعيب اوي يديها لاسامه تسديده فوق العارضه بسنتي متر

    مره تانيه نرجع لكم واحداث الشوط التاني من المباراه الشوط الاول كان انتهى بالتعادل السلبي صفر صفر

    بوب ماشي وبيفكر يجري وجري فعلا ارفع بقى يا راجل ده طلع بيها بره خالص وبات مان بيقوله حسبي الله ونعم الوكيل

    ترجع الكوره مع مصطفى ون تو مع اسامه وصلوا يباصيها لديد مان الله جون جميل جميل جدا يحط فريق النجوم في المقدمه

    اخر ثواني في المباراه وهجمه على فريق النجوم بوب بيحاول يقطع الكوره ده مش بيقطع الكوره ده بيبوس اللعيب وبيحضنه

    واحتسب الحكم ضربه جزاء ممكن تؤدي الى خروج نادي النجوم من الدوره

    واقف جون بات مان داخل داخل

    داخل

    ويشوط

    ومعاها بات مان الله عليك


    وانتهى الماتش الحمد لله بقوز فريق النجوم ومبروك عليهم الصعود وهارد لك لفريق الاصحاب ادوا ماتش كويس وبوب اداهم وصنع اكتر من فرصه معندهمش الاستغلال

    --------------------


    واستنونا في الحلقه الي جايه







    avatar
    Riry
    VIP
    VIP

    انثى
    رقــــم العضويـــــــــة : 19
    مجموع المشاركــات : 731
    المزاج : aho mashy el 7al
    تاريـخ التسجيـل : 22/03/2008

    ??????? رد: الدوره الرمضانيه وفريق All stars و pop

    مُساهمة من طرف Riry في الثلاثاء سبتمبر 15, 2009 2:12 am

    gaaaaaaamd

    thnx ya prince

    w mstnyen el ba2y
    avatar
    dead man
    مــســاعــد الــريــس الــكــبــيــر
    مــســاعــد الــريــس الــكــبــيــر

    ذكر
    رقــــم العضويـــــــــة : 71
    مجموع المشاركــات : 370
    تاريـخ التسجيـل : 13/08/2008

    ??????? رد: الدوره الرمضانيه وفريق All stars و pop

    مُساهمة من طرف dead man في الأربعاء سبتمبر 16, 2009 8:47 pm

    انا الي جبت الجون هييييييييييييييييييييييييه

    مرسيه يا برنس




      الوقت/التاريخ الآن هو السبت أغسطس 19, 2017 9:21 am