riry كتب:ليه بنرفع أكتافنا لفوق لما نكون ماشيين تحت المطر من غير مظلة؟؟
يعني كده مش حتتبلل؟؟؟

riry كتب:
ليه بنوطي صوت الراديو أو المسجل لما نحس اننا توهنا ؟؟؟
يعني كده حنعرف الطريق الصح؟؟

riry كتب:
ليه لما تكون بطارية الرموت كنترول ضعيفة بندوس على الزرار جامد؟؟؟
يعني كده بنشحن البطارية؟؟؟

riry كتب:
ليه دايما بنكتب اسمنا بالقلم اللي جايلنا جديد أو لسه شاريينو؟؟؟
يعني للدرجادي فرحانين باسمنا؟؟

riry كتب:
ليه بنقول هدية مجانية؟؟
وهو في هدية غير مجانية؟؟

riry كتب:
ليه لما نكون جوا البيت والدنيا بتمطر بنسأل: هيا الدنيا بتمطر ؟؟؟
يعني ممكن تمطر جوا مش برا؟؟؟

riry كتب:
ليه لما نقرأ على الحيطة: احترس من الدهان مش بنصدق لا دحنا بنجرب بإدينا؟؟؟
يعني عايز اللي دهن الحيطة يحلفلك !!!

riry كتب:
ليه لما تركن العربية في موقف فاضي خاااالص يروح السواق اللي جاي بعدك راكن عربيتو جنبك؟؟؟
يعني بيسيب المكان كله ويروح واقف جنبك؟؟؟

riry كتب:
ليه لما يتأخر الأصنصير بندوس على الزرار أكتر من مرة؟؟؟
يعني كده حيتكسف على دمو وييجي بسرعة؟؟؟

riry كتب:
ليه لما تكون مستني الأصنصير وييجي واحد يروح دايس على الزرار؟؟؟
يعني مش شايفك خااالص!!!

riry كتب:
ليه بنفتح بؤنا لما نأكل أي ولد صغير؟؟؟
احنا اللي بناكل واللا هو؟؟

riry كتب:
ليه لما نتصل من التليفون بيكون الرقم الغلط دايما مش مشغول؟؟
يعني حظ بيكسر الصخر!!.

riry كتب:
ليه بنحس دايما ان احنا عايزين كام دقيقة نوم زيادة كل ما صحينا الصبح؟؟؟
الله لا يشبعك نوم.

riry كتب:
ليه البني آدم اللي بيشخر بيكون أول من تغمض عينو؟؟
يعني مش كفاية بيشخر وبيبدأ بيه بدري كمان!!

ليه لما نشرب آخر شفطة من فنجان قهوة أو كباية شاي بنبص في الكباية لو في حاجة واللا لا؟؟؟
يعني مش بتصدق لغاية ما تشوف؟؟؟

ليه لما تكون آعد في مكان عام وبتسمع رنة موبايل على طول بتبص في الموبايل بتاعك؟؟؟
ايه انتا مهم للدرجة عشان موبايلك يرن بين الناس دول كلهم